Молдавский старец Паисий Величковский. Его жизнь, учение и влияние на православное монашество

Приложение 3-е. Надгробное рыдание Старцу Паисию от всех чад его духовных

I.

1. Образ лица твоего, Паисие чудный,
Мог начертать художник, искусством нетрудный,
Но доброта разума коль предивна бяше,
Изобразить словом никтоже можаше.
Един Солнца Свет ум твой сказати удобен,
Единому един ты солнцу был подобен.

II.

7. Благочестием дух твой аки огнь горяше,
Учением догматов всей Церкве светяше.
Ты насадил правы иноков уставы,
Возрастоша здравии беседы и нравы.
Ты открыл учения, разделив на ли́ки,
Да славословят Творца разными язы́ки.
Ново благолепие церкви восприяша,
Лучшим образом Ему служити познаша.
Чтение и пение толико красно явися,
Аки от сна воспрянув, весь мiр удивися.

III.

17. Елико же тщалив бе церкви украситель,
Толико остроумен и дому Строитель.
Не совершив малого дела без совета,
Не оставив нужного слова без ответа,
Зная держати в руках мерило правдиво,
Изобрази сокровен Промысл Божий живо.
Не пренебрег своего, еже бе во власти,
Не отторже чуждого малейшия части.
На трудящихся добре, прилежно смотряше,[13]
Коемуждо мзду добру на сердце писаше.
Во всем долготерпелив и благоразсудный,
Праведно наречеся Паисие чудный.

IV.

29. Твоя плещи́ еди́ни толико труд ношаху,
Елик многие мудри нести не можаху.
Лицем светел, образом ты был сановитый,
Нестыдно монархом к тебе потрудитись.
Беседа твоя кротка, в советах смиренна,
Солию благодати бяше растворенна.
Словеса твоя верна и истинна бяху,
Свидетельство неложно слезы источаху.

V.

37. Великодушен в нужде, не горделив в чести,
Равно благословляше Вышняго без лести.
Ласкательство срамное мудро отражаше,
Тщеславия мiрского точно убегаше.
Обличаше противных прикладно искусно,
Не испаде из уст его слово гнусно.

VI.

43. Ты странным был отрада, покой претружденным,
Болящим врач и цельба умом поврежденным.
Милостыни от тебе течаху рекою,
Бог удовляше скудных твоею рукою.

VII.

47. В тебе добродетель вся живяше испытно,
И к книгам отеческим любовь ненасытна.
Дни и нощи их ради без сна провождаше,
Из тьмы нерадения во свет изводяше.
Любя преводити о́ны на многи язы́ки,
Да знают подвиг древних и поздние веки.

VIII.

53. Удивляхуся страны предивному слову,
Стекахуся прияти пользу душ готову.
С надеждою твердою к тебе притекаху,
С радостию полною в домы отхождаху.

IX.

57. Сердце наше желаше в век тебе светити,
Увы! найде год темный свет твой угасити.
Не угасе свет твой, ни, но только сокрыся,
От земли круга на круг светил преселися.

X.

61. Блистай убо на тверди, лий лучи утишны,
В тебе свое селение положи Всевышний.
Память твоя блаженне, во славе пребудет
Блистающа, дондеже мiр стояти будет.

XI

65. Мы, чада, духовно от тебе рождены,
От тьмы неведения во свят изведены,
Благодарим Вышняго во веки живуща,
Давша нам пастыря тя, всех горе́ влекуща.
Твоим мольбам, о отче, всех себе вверяем,
Мертву ти, аки живу, главы преклоняем.
Моляшеся о стаде твоем не забуди,

72. Да внидем в радость вечну, предстатель нам буди.

Аминь.[14]